Ek tukada dhoop ka
Ek mutthi chand,
Kuch boondein pani ki
Aur ek hridaya prashant.
Nit naye sapne dekhe hain
In nainon ne har pal,
Kitane raag sajaye hain
Sun jharanoon ki kal kal.
Is chote se jivan mein
Youn to nahin anek vikalp,
Phir bhee dhoondta hai chanchal
Kuch apoorva se sankalp.
Jab milega woh tukada
Jab hogi mutthi sampann,
Us padav par bunega mann
Ek aur naveen prarambha.
No comments:
Post a Comment